Charter Document - 05090046

Considerans ego Lingonensium Bruno Episcopus oficii mei negligentiam in dampnationem anime mee cedere juxta sensus mei modum elaboravi Ecclesiis Dei provisores efficere qui in eis talentum verbi Dei disseminantes mecum pariter de eo ipsi Domino Jhesu Christo lucrum reportantes eterne vite remuneratione ditarentur Volui igitur Ecclesie Besuensi Domnum Guillelmum virum Religiosissimum Abbatem preesse qui dum in ea cuncta regulariter ac religiose disponeret intelligens propria in quibusdam non satis sufficere quesivit ab Ecclesia Lingonensi Ecclesie Besuensi aliquid ad luminarii opus conferri Cognoscens itaque peticioni viri Dei non esse contradicendum cum consilio tocius Capituli Lingonensis statui ut de Ecclesiis a sex leugis vel infra a Besua tempore Rogationum omnes tam viri quam mulieres cum oblationibus ad Sanctorum Apostolorum Petri et Pauli limina conveniant Illud quoque non ociose mecum reputans quia cum tempore eodem Lingonas venire deberent alii longitudine vie alii inbecillitate corporis seu aliquibus aliis occasionibus retardati pabulo divini verbi et peccatorum remissione quam ibi deberent accipere frustrabantur Veniant igitur illo tempore statuto et de peccatis suis veniam postulantes ab eis quorum lingue claves celi facte sunt a Monachis illic Deo servientibus de salute animarum suarum ammoniti facta absolutione et data benedictione leti revertantur in pace Quicumque vero huic nostre institutioni contraire presumpserit Dei Omnipotentis auctoritate et eorum qui que ligaverint in terra erunt ligata et in celo atque omnium sanctorum anatematizentur et excommunicentur Amen Et ut hoc per secula inconvulsum permaneat manu nostra subter firmavimus et ut a pluribus firmaretur rogavimus Signum Brunonis Episcopi Sig Willelmi Abbatis Sig Lamberti Prepositi Sig Beraldi Archid Sig Teudrici Archid Sig Brunonis Archid Sig Teudonis Archiclavi Sig Widonis Archid Sig Amelii Sig Widonis Presb Sig Beraldi Ypodiaconi Sig Nivardi Sig Gocelmi et aliorum multorum Ego Airardus Cancellarius scripsi et cum ceteris laudator et roborator extiti Acta sunt hec anno ab Incar Dom MVIII Indict VI Epacta XI concurrente IIII Regnante Roberto Rege et Domno Brunone sedem Lingonicam tenente Benivolentiam Domni Brunonis Episcopi atque devotionem erga hunc locum noticie futurorum commendare volumus nobis hodieque et posteris nostris quamdiu seculum durabit profuturam Est Ecclesia non multum distans ab hoc Besuensi loco in honore sancti Leodegarii dedicata largissimis prediis et latifundiis a Regibus et Ducibus et Comitibus dotata Cujus loci Monachi non minimas injurias et importunitates huic loco inferebant terras nostras occupantes injustas consuetudines in ipsis terris imponentes Et quoniam possessiones nostre intra possessiones eorum contigue erant justo latius manus extendentes ut pote terrenorum principum quamvis injusto auxilio confisi quacumque poterant de nostris rebus locum suum ampliabant Est villa que dicitur Cusiriacus in parrechia nostra ejus ville qui dicitur Belenava ubi cum Monachi S Leodegarii Ecclesiam et novam parrechiam construere voluissent audiens hoc Domnus Bruno Episcopus excommunicavit et anathematizavit eos qui ibi Ecclesiam construerent et qui divinum officium ibi celebrarent Considerans tamen quoniam parrechialis Ecclesia Belenava scilicet nimis longe aberat ut bonus pastor animarum cure prospiciens neve longinquitate vie aut negligentia Sacerdotis aut ignorantia plebis anime divini verbi pabulo fraudarentur statuit ut ad villam Besuunculam nomine quia prope erat ad Missas et Christianitatis officium convenirent eo vero tenore ut quia dignus est operarius mercede sua medietatem eorum que ad Presbiteratum pertinerent illi Ecclesie condonarent Item in villa que dicitur Anblins quoniam ipsi in aqua partem nobiscum habebant ceperunt calumpniari et si quid vellemus edificare ipsi quantum poterant impediebant Accessit Pater Bruno Episcopus et ipse in medio aque sudem acutam infixit que hodieque ibi manet ut monachi sancti Leodegarii medietatem aque usque ad palum haberent et alia medietas usque ad palum nobis in pace remaneret In villa nostra que Trecasas dicitur voluerunt aliquando corvatam consuetudinaliter facere Cum vero non fuisset alius qui resisteret quidam rusticus zelo justicie et fidei accensus accessit ubi boves juncti fuerant et juncturas super capita eorum quas rustici convinculas appellant omnes truncavit Tamen timens ne pro hoc facto quamvis injuste ei malum inferretur aufugit Iterum Bruno Episcopus noster et nomine et re cum hoc audisset non piguit ad locum accedere et prius quam de hac re incepisset disserere rusticum illum qui timore delituerat nec audebat redire demandans Ubi est inquit filius meus qui hoc fecit et ita viriliter loco mei egit Qui cum venisset ante eum Tu es inquit filius sancti Petri et meus ne paveas pro certo habens quia qui te odit me odit Securus esto nam qui te ledet mecum quoque dividet illud His dictis cum per indigenas loci et antiquos quibus noticia et memoria preteritorum fuerat comprobatum fuisset nullo modo Monachos illos consuetudinem illam quam reclamabant in nostram villam habere Domnus Episcopus remeavit ad sua