Charter Document - 05090022
| Charter Number: | 05090022 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0887 |
| Date type: | Internal, A.D., Calendar, Regnal |
| Resource Link(s): |
|
Charter:
Anno Incarnationis Dom DCCCLXXXVI anno quoque Domni et Serenissimi Karoli Imperatoris Augusti in Gallia imperantis II indictione V XV Kal Junii sacer Episcoporum Conventus ob pacem et tranquillitatem sancte Dei Ecclesie statuendam et Ecclesiastica negotia decernenda apud Ecclesiam sancti Marcelli Martyris in suburbio Cabilonensi in Christi nomine coadunatus est ubi fuerunt Domni et sanctissimi Archiepiscopi Aurelianus Bernuinus necnon et Reverendissimi Episcopi Adalgarius Geylo Stephanus Gyraldus Adalbaldus Isaac et Leboinus Geylo denique supra memoratus Lingonensis Ecclesie Reverendus Antistes una cum supra scriptis Patribus in hoc sacrosancto residens Conventu eorum auribus intimavit de supra scripta noticia qualiter Domnus Isaac antecessor suus res Ecclesie in Luco in honore S Martini in sua S Synodo a partibus S Martini de Luco superiori Capelle videlicet sancti Marcellini contra Adalardum ejusdem Capelle Presbyterum juste et legaliter evindicavit de rebus et decimis Tunc omnes Episcopi prefati hec audientes in communem relationem Geylonis venerabilis Episcopi et noticiam evendicationis Domni Isaac simul consenserunt et consentiendo roboraverunt ut si quis temeraria sacrilegaque presumptione convictus atque ceca cupiditate cecatus hoc quod Dei et Domni Isaac et nostra confirmamus auctoritate in aliquo infringere presumserit eterna se sciens damnatione multandum et cum diabolo et Angelis ejus sempiterno incendio concremandum atque cum Juda traditore Domini et cum Datan et Abiron perpetuali pena cruciandum et insuper a liminibus sancte Dei Ecclesie et cetu omnium fidelium Christianorum tamdiu habeatur extorris donec inlicita presumtione resipiscens condigna penitentia sublevetur