Charter Document - 05090021
| Charter Number: | 05090021 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | Undefined |
| Date type: | Internal, A.D. |
| Resource Link(s): |
|
Charter:
Omnibus dignitatibus sublimibus ac mediocribus utriusque sexus et ordinis notum esse volumus qualiter ego Geilo Lingonensis Ecclesie humilis Episcopus Dei Omnipotentis inspiratione commotus beatissimum Prudentium Christi Martyrem Besuensi Monasterio in honore sanctorum Apostolorum Petri et Pauli constructo digno honore collocaverim Qui beatus Martyr ante introitum atrii et in ingressu templi ac deinceps miraculis ut omnibus Christi circumquaque fidelibus patefactum est claruit Nutu ergo divine Majestatis pulsatus contuli illi aliquid ad luminaria prebenda ex reditibus sancti Mammetis in Luco superiori capellam videlicet sancti Marcellini cum appenditiis suis et mancipiis utriusque sexus que ab Episcopo Virdunensi ante paucos dies digna commutatione evindicavi Pontiliacum etiam cum adjacentiis suis et Ecclesiam in honore sancti Yppolyti in eodem loco consecratam eidem sanctissimo Martyri Prudentio contuli Ecclesiam quoque de Chasuit ad integrum cum omnibus appenditiis suis eidem sancto delegavi ita ut ab hac die has donationes habeat teneat atque possideat in perpetuum nullo contradicente Hoc solum a successoribus meis in Deum et propter Deum obnixis precibus exorando deposco ut si addicere aliquid placuerit faciant et si non hec parva a nobis tradita non demant nec subtrahant Quod et si qui temptati a diabolo invadere hec dona conati fuerint nec permittatur eis locus in Ecclesia cum ceteris Christianis et nisi cito resipiscant maledictionibus cum Datan et Abiron et cum Juda traditore Domini penis gehennalibus subiciantur insuper et auri libras quinque in ultione Rectoribus Ecclesie Besuensis persolvant Ego Geylo humilis Episcopus hanc traditionem in Synodali Conventu peregi et confirmari rogavi Anno ab Incarnatione Domini DCCCLXXXIII Indictione I Epacta IX Regnante Karolo Magno Signum Domni Geilonis Episcopi harum rerum donatoris S Helie S Oberti S Galcaudi S Helgaudi S Arnaldi S Guntardi S Odonis et reliquorum omnium qui illi synodo affuerunt die Dominico mensis Octob VII Idus ejusdem mensis