Charter Document - 05090009

In nomine Domini Jhesu Christi notum sit omnibus fidelibus sancte Dei Ecclesie quod ego Albericus dono Dei Episcopus Lingonensium repperi locum jam dirutum quod dicitur Fons Besuus in honore constructum sanctorum Apostolorum Petri et Pauli necnon et aliorum plurimorum ubi jam olim Monachi regulariter Deo famulati fuerant sub Amalgario Duce permittente Chlotario Rege Ideoque ob amorem Dei et veniam delictorum meorum Deo inspirante cogitavi reedificare supradictum locum permittente gloriosissimo Augusto Hlucdovico et consentiente piissimo filio ejus Hlothario Imperatore congregavi ibi Monachos sub Abbate nomine Seraphin qui ibi regulariter degerent et Deo in perpetuum fideliter deservirent Concessi enim eis quicquid supradictus locus per cartarum donationem assecutus est et quidquid nostri predecessores de hoc loco abstraxerant propter elemosynam supradicti Principis ejusque filiorum libenter restauravi Ideoque per consilium Archiepiscopi nostri Agobardi et consentientibus Coepiscopis nostris necnon et piissimis nostris Principibus seu omni Clero necnon et omnibus fidelibus Ecclesie nostre addidimus supradicto loco de Episcopatu nostro villas his nominibus Pauliacum cum appenditiis suis Bellenavum vicum cum suis appenditiis Arcionem cum appenditiis suis Istas villas cum omnibus adjacentiis seu et omni re superposita campis pratis silvis pomiferis pascuis accessibus aquis aquarumque decursibus et omnes redditus totum ad integrum una cum mancipiis libertis cum omni peculio ipsorum una cum accolabus dedit ad servitium Monachorum jure perpetuo ad possidendum Ecclesiam etiam que est in ipsa Belenavo villa in honore sancti Stephani prorsus ab omni consuetudinali exactione liberrimam Ecclesiam quoque de villa que dicitur Danbrum cum appenditiis suis et villam Trescasas cum Ecclesia et omnibus appenditiis suis Item Ecclesiam de villa que dicitur sancti Sequani cum appenditiis suis et Ecclesiam de villa Morniaco cum omnibus ad eam pertinentibus necnon etiam Ecclesiam que est in valle Verona in honore S Mauritii Ecclesiam de villa Beria in honore S Laurentii cum omnibus appenditiis suis Preterea in territorio Divionensi decimas illarum vinearum quas donaverat huic Ecclesie Domnus Amalgarius Dux et fundator hujus sacri cenobii Apud villam que dicitur Fiscinis vinearum non modicam quantitatem cum pratis et campis et servis et ancillis ad ea excolenda Et in villa Fisciaco vineas similiter Et in Marcennaco similiter in substantiam Monachorum et alimoniam pauperum et ut ibidem delectetur servis Dei Domino servire et pro Rege ejusque conjuge necnon et liberis ipsius et totius Imperii ejus stabilitate jugiter Domini misericordiam implorare Ea videlicet ratione hoc constituimus ut semper subjectus sit jam dictus locus Ecclesie sancti Mammetis et ut nec ego ipse nec ullus de successoribus meis hanc conscriptionem violare presumat Domni Imperatoris confirmationem in ea fieri postulavi Actum Lingonis civitate publica In Christi nomine Agobardus Lugdunensis Ecclesie Archiepiscopus subscripsi Angericus Episcopus subscripsi Albericus Episcopus a me facta subscripsi In Christi nomine Faova Cabilonensis subscripsi Modoinus Augustudunensis subscripsi Winitharius indignus Abbas Calticensis subscripsi Audinus indignus Corepiscopus subscripsi Motuinus indignus Presbyter subscripsi Hiltibaldus Matiscensis Episcopus subscripsi Ragenardus Presbyter subscripsi Ego in Dei nomine Jacob licet indignus Corepiscopus subscripsi Sigoaldus Presbyter subscripsi Vuanilo Presbyter subscripsi Adalbertus Presbyter subscripsi Symeon Presbyter subscripsi Unricus Diaconus subscripsi Bajus Diaconus subscripsi Beatus Diaconus subscripsi Fridericus subscripsi Theutmarus subscripsi Ragenaldus subscripsi Signum Humberti Signum Hiltanni Signum Bertardi Signum Fulcuini Signum Eruic Signum Radaldi Betto subscripsi Bernorogitus subscripsi Ragnoardus subscripsi Bavo subscripsi Ragenardus subscripsi Hilpericus subscripsi Hildigisus Presbyter subscripsi In Christi nomine Bernardus Archiepiscopus subscripsi Godelsadus Abbas subscripsi Birico ac si indignus Levita subscripsi Actum anno ab Incarnatione Domini octingentesimo XXX Indictione VIII Epacta XV XII Kalend Decemb Anno Christo propitio XIIII Imperii Domni Hludovici Imperatoris et Hlotharii Augusti filii ejus VI Tempore vero Domini Alberici Episcopi facte sunt plurime commutationes vel coemptiones terrarum tam ab ipso Pontifice quam a rectoribus loci istius Inter quas facta est commutatio a Seraphin Abbate nostro et Herleberto Abbate Divionensi Dedit Herlebertus in villis Luco et Verona quidquid erat juris S Benigni et Seraphin e contra tradidit terras S Petri que erant in Divione et in fine Domni Petri et Longo vico et in Canavis et in Arzilerias et Tremoldo et Fontanis et Proviso et Disto Nec suffecit huic loci istius amatori Alberico Episcopo suo tempore munificentissime locum istum ampliare sed audiens qualiter Betto Episcopus predecessor suus fines Besuensis territorii legaliter novem legalibus testibus terminaverat sua auctoritate id ipsum confirmavit Ipso tempore quidam Hligarius nomine dedit ad hunc locum in Aquatovilla terram hereditatis sue pro peccatis suis minuendis Hoc est mansum indominicatum una cum domo et horreo Habet vero ipsa terra perticas arpennales in longo XLIII et pedales decem et in lato de uno capite superiore perticas VIIII et pedes IIII Totum ad integrum tam terris curtiferis quam edificiis desuper positis campis pratis sylvis pascuis aquis aquarumque decursibus totum ad integrum dedit Similiter quidam Widaldus nomine vendidit Domno Alberico Episcopo terram in villa Casoto nomine mansum unum et de terra jornales septem Domnus vero Albericus dedit eam sancto Petro Item alius quidam Aylardus nomine res juris sui sitas in pago Atoariense in loco qui dicitur Bustellus et in ipsa fine Bustellense seu et ibidem aspiciente quiquid ibidem genitrix sua visa fuit habere tam in mansis quam campis pratis sylvis pomiferis pascuis accessibusque omnibus vendidit Domno Alberico Episcopo per manus Abbatis Seraphin Radulfo et Amalarico testibus XII Kal Feb anno XVI Imperii Lucdovici