Charter Document - 05090008

In nomine Domini Dei et Salvatoris nostri Jhesu Christi Hludowicus et Hlotharius divina ordinante providentia Imperatores Augusti Si peticionibus servorum Dei justis et rationabilibus divini cultus amore favemus superna nos gratia muniri non diffidimus Proinde comperiat omnium fidelium nostrorum presentium scilicet ac futurorum sollertia quia suggessit mansuetudini nostre vir venerabilis Albericus Lingonensis Ecclesie Presul qualiter quandam Abbatiam cujus vocabulum est Fons Besuus ex rebus videlicet Episcopatus sui ubi condam Monachi regulariter viventes fuerant sed moderno tempore penitus erat destructa a fundamentis reedificavit edificia congrua construxit Monachos adunavit Abbatem etiam nomine Seraphin prefecit Et ut Monachi in eodem loco Domino adjuvante congregati melius et liberius sub norma sancte Regule Deo militarent non solum res que ad predictam Abbatiam legaliter pertinebant ibi reddidit sed etiam alias res de prefato Episcopatu ibidem subjecit sed et constitutionis Cartulam quam ipse una per consensum Metropolitani sui Agobardi Archiepiscopi et suffraganeorum suorum necnon et cleri sibi subjecti et quorumdam laicorum nobilium confirmaverat nobis ostendit in qua plenius conscriptum erat non solum res ad jam dictam Abbatiam legaliter pertinentes ibi reddidisse verum etiam ei quasdam res de memorato Episcopatu suo ibidem subjecisse Quarum hec sunt nomina Pauliacum cum appenditiis suis Bellenavum vicum cum suis appenditiis Arcionem cum appenditiis suis Istas villas cum omnibus adjacentiis seu et omni re superposita campis pratis silvis pomiferis pascuis accessibus aquis aquarumque decursibus et omnes redditus totum ad integrum una cum mancipiis libertis cum omni peculio ipsorum una cum acolabus dedit ad servitium Monachorum jure perpetuo ad possidendum Ecclesiam etiam que est in ipsa Belenavo villa in honore sancti Stephani prorsus ab omni consuetudinali exactione liberrimam Ecclesiam quoque de villa que dicitur Danbrum cum appenditiis suis et villam Danblin cum Ecclesia et omnibus appenditiis suis Et villam Trescasas cum Ecclesia et omnibus appenditiis suis Item Ecclesia de villa que dicitur S Sequani cum appenditiis suis et Ecclesiam de villa Morniaco cum omnibus ad eam pertinentibus Necnon etiam Ecclesiam que est in valle Verona in honore sancti Mauricii Ecclesiam de villa Beria in honore sancti Laurentii cum omnibus appenditiis suis Preterea in territorio Divionensi decimas illarum vinearum quas donaverat huic Ecclesie Domnus Amalgarius Dux et fundator hujus sacri cenobii Apud villam que dicitur Fiscinis vinearum non modicam quantitatem cum pratis et campis et servis et ancillis ad ea excolenda Et in villa Fisciaco vineas similiter et in Marcennaco similiter Horum omnium facta donatione precibus quibus valuit exorans nostram Clementiam ut super eandem constitutionem nostram auctoritatem firmitatis gratia mererentur habere qualiter predictus locus quem pro divino amore et nostra eleemosyna restauravit et Monachos ibi congregavit qui pro nobis et cuncto populo nobis subjecto perpetim Domini misericordiam exorent nostra auctoritate confirmatus esset Videlicet ut si cuilibet successorum ejus animo sederit ut alias res ibi superaddere velit in suo jure et potestate salva discretionis ratione id faciendi permaneret Sin autem sua devotio que per consilium tantorum bonorum virorum facta et confirmata est nostro liberalitatis precepto firma et stabilis permaneret Cujus peticionem dignam ac rationabilem judicantes hos nostros Imperiales apices fieri jussimus per quos decernimus atque jubemus ut memoratus ordinationis modus quem predictus venerabilis Albericus Episcopus in prefato loco constituit inviolabilis permaneat et nullus Rector qui in eodem loco successerit licentiam habeat prescriptum ordinem permutare aut res quas ibi reddidit sive subjecit ullo modo auferre sed ejus constitutio per hanc nostram Confirmationem firma et stabilis permaneat Et ut hec auctoritas confirmationis nostre per futura tempora inviolabilem atque inconvulsam obtineat firmitatem de anulo nostro subter illam jussimus assignari Signum Hlvdowici Imperatoris Signum Lotharii filii ejus Actum anno ab Incarnatione Domini octingentesimo XXX Indictione VIII Epacta XV Suscepta deinde regali auctoritate Albericus Episcopus confirmatisque ut prediximus rebus rediens domum ut presentibus notum atque futuris fieret propriam inde conscriptionem fecit in qua omnia que huic cenobio donaverat queque in posterum futurorum fidelium largitate donanda sperabat inserens sic ait