Charter Document - 05090006
| Charter Number: | 05090006 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Testimony |
| Date: | 0816 |
| Date type: | Internal, Calendar, Regnal |
| Resource Link(s): |
|
Charter:
Notum fiat posteris et memorie commendetur quod ante illustrem uirum Hildegarnum comitem seu iudices quos scabinos uocant et quam plures personas qui cum eo aderant in Montaniaco uilla in mallo publico ad multorum causas audiendas et rectas iusticias terminandas ibi ueniens Betto episcopus et aduocatus suus Burgoardus nouem legitimos testes ibi presentauit quorum nomina hec sunt Symeon Agano Betrannus Gono Marchirius Adalardus Geruio Gerento Syrannus Isti testificauerunt et iurauerunt de finibus Besuensis monasterii quod a fine Pontense et a fine Vendobrinse seu Vilense et Vetus Vendobrinse et Vaurinse et Tillense et Vetus Viniense et Bustellense et Bustense et Lucense et Burbureninse et Berechelpo Vilare per istas marcas inter ipsos fines immunitas Sancti Petri est ad integrum Et in loco qui dicitur Boscus Monachorum similiter et in alio loco qui dicitur Longo Bosco immunitas Sancti Petri ad integrum Et in alio Longo Bosco communitas Et in ipso fine Bustellense immunitas ad integrum et ab ipso fine Bustellense usque ad uiam petrosam et deinde usque ad stratam fractam et deinde usque ad finem Burburenensem atque Vilarum immunitas Sancti Petri est ad integrum Per istas marcas euntes ipsi nouem testes quos supra nominauimus misso secum Balacterio illustri uiro ab Hildegarno comite et a suis scabineis dixerunt et per iudicium testificauerunt quod a tempore Pipini regis et deinceps per tempus domni Karoli Magni imperatoris uidissent inde legitimas uestituras ad partem Sancti Petri haberi ita ut nec Aldo nec heredes sui ullam legitimam uestituram exinde umquam habuissent sed per legem et per iusticiam uestitura Sancti Petri Fontis Besuensis erat Tunc ipsi scabiene unanimiter iudicauerunt quod omni tempore ipse res per illas marchas ad partem Sancti Petri essent uendicate atque legibus conquisite His presentibus testibus Balacterio Madalberto Beato Eppleno Baldrico Aysono Vormerio Milone Albrico notario Ferlagio Leuduino Arberto Seruio Walterius presens fuit et subscripsit Data noticia die Mercoris proxima in mense Maio anno ii regnante domno nostro Hlucdouuico rege atque imperatore