Charter Document - 05090004
| Charter Number: | 05090004 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0611 |
| Date type: | Internal, Calendar, Regnal |
| Resource Link(s): |
|
Charter:
Dominis nostris propriis Radeberto Chrodeberto Emerulfo Majoribus domus sacri Palacii Sichelmus cum reliquis fidelibus et servientibus vestris quorum subscriptiones vel signacula in hanc subgestionem subter tenentur inserta Credimus quod gloriosissimus Dominus noster auditum habeat qualiter illustris vir Amalgarius tempore ducatus sui in loco Fonte Besua nuncupato in pago Attoariense in honore sanctorum Apostolorum Petri et Pauli Monasterium construxit ubi etiam Monachorum congregationem ad habitandum conjunxit et de facultate sua maximam partem supradicto Monasterio delegavit Credimus etiam ad vestram pervenisse noticiam qualiter ipsum Monasterium ante hos dies a malis hominibus irruptum fuerit atque vastatum et omnes res quas ipsi Monachi habebant cum ipsis cartis deportate et omnis habitatio eorum in direptionem et devastationem missa unde humiliter pietati vestre suggerere presumimus ut hoc gloriosissimo Domno nostro innotescere faciatis ut per suam clementiam talem auctoritatem ipsi loco conscribi jubeat ut supradictas res quas boni homines ibidem delegaverunt nullus invadere aut violare vel inquietare presumat sed que in presenti habere vel possidere videntur ipsi Monachi vestris et futuris temporibus sine inquietudine per vestrum preceptum habere et tenere possint Ut et eos pro vita vestra et stabilitate Celsitudinis vestre et regni vestri Dei misericordiam attentius delectet exorare Dominicus audivit subgestionem Farulfus subgestionem signavit Abbo subgestionem Ermerbertus subgestionem Frodoaldus subg Warato subgestionem Fugoaldus subgestionem Eurcharius subgestionem Data subgestionem die Kalendas Octobris anno vii Regnante Domno nostro Clothario Rege Hanc subgestionem Regi innotuerunt et quid ipse de hoc decreverit ejus Preceptum declarabit