Charter Document - 05080009
| Charter Number: | 05080009 |
|---|---|
| Cartulary Title: | Le cartulaire de la ville d'Arbois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1273 |
| Date type: | Internal, A.D. |
| Resource Link(s): |
|
Charter:
Ego Hugo de Castellana miles notum facio vniuersis presentes litteras inspecturis quod ego prudens sciens et spontaneus cum bona et sana deliberatione donatione irreuocabili facta inter viuos do quitto in perpetuum libere Guydoni du Pasquier domicello et heredibus suis quandam vineam sitam in territorio de Arbosio in loco qui dicitur Prébriart inter vineam Hugonis dicti Sognial clerici ex vna parte et inter viam communem ex altera et duas secturas prati in loco qui dicitur Bur de Cona iuxta pratum meum et iuxta pratum Regnaudi de Castellana De qua vinea et duabus secturis supradictis me deuestiendo dictum Guydonem pro se et suis corporaliter inuestio et pono in possessionem corporalem promittens fide mea data corporali dicto Guydoni et suis heredibus de dicta vinea et predictis duabus secluris ferre precise garandiam contra omnes et quod contra huiusmodi donationem et quittationem per me uel per alium in iudicio uel extra in toto uel in parte verbo seu facto tacite uel expresse modo aliquo non veniam in futurum nec consentiam alium contraire volentes In cuius rei testimonium ego predictus Hugo sigillum meum presentibus litteris apposui et sigillum venerabilis viri Johannis prioris de Arbosio presentibus feci apponi et dicto Guydoni filio quondam domini Petri du Pasquier militis tradidi sigillatas Actum anno Domini mcc septuagesimo tercio mense octobris