Charter Document - 05080008
| Charter Number: | 05080008 |
|---|---|
| Cartulary Title: | Le cartulaire de la ville d'Arbois |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1261 |
| Date type: | Internal, A.D. |
| Resource Link(s): |
|
Charter:
Nos Hugo dictus de Castella filius quondam domini Justi de Arbosio et domina Pollyna vxor ejus notum facimus vniuersis ad quos presentes littere peruenerint quod nos non circumuenti nec decepti nec dolo nec precario inducti imo mera et spontanea volumptate nostra ducti vendimus donamus tradimus quittamus et concedimus imperpetuum abbati et conuentui de Balerna Cisterciensis ordinis Bisuntinensis diocesis et successoribus eorum duas vineas liberas quictas et absolutas omnino quas tenemus et possidemus uel ipsi abbas et conuentus pro nobis sitas in territorio de la Mercete inter vineas que fuerunt domini Odonis de Champarous et vineas Jaquemini nepotis ejusdem Damus incontra eisdem abbati et conuentui quicquid juris actionis et rationis vsus et requisitionis habemus in dictis duabus vineis de la Mercete Pro qua venditione et aliis recepimus et habuimus nomine precii viginti quinque libras stephanensium in pecunia numerata et habemus nos inde bene pro pagatis Scientes et confitentes dictas duas vineas venditas plus valere et majoris esse precii set quod plus valent et majoris sunt precii pro remedio animarum nostrarum ad quod quilibet debet intendere damus et condimus ex certa scientia in puram et perpetuam elemosinam abbati et conuentui supradictis Promittimus etiam juramentis nostris prestitis dictas duas vineas omnino liberas predictis abbati et conuentui semper guarantire contra omnes et quod contra premissa vnquam non veniemus pro dicta guarantia portanda nos et heredes nostros obligantes In hiis autem ego predicta Polliana renuncio expresse dotis seu donationis propter nu[p]cias ypothece legis Julie et Valeriani beneficio et nos predicti Hugo et Polliana quilibet in solidum renunciamus exceptioni non numerati precii et non soluti et minoris precii et omni alii In cuius rei testimonium sigillum capituli ecclesie Sancti Mauricii Salinensis presentibus litteris rogauimus et fecimus apponi Actum anno Domini millesimo ducentesimo sexagesimo vno mense maio