Charter Document - 05080003
| Charter Number: | 05080003 |
|---|---|
| Cartulary Title: | Le cartulaire de la ville d'Arbois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1222 |
| Date type: | Internal, A.D., Calendar |
| Resource Link(s): |
|
Charter:
Gerardus Dei gracia Bisuntinensis archiepiscopus omnibus presentem paginam inspecturis perpetuam in Domino salutem Sciant omnes quos scire fuerit oportunum quod Bisuntius capellanus Sancti Petri iuxta castrum de Wadens in presentia nostra ueniens ipsam ecclesiam Sancti Petri cum appendiciis suis quam ab antecessoribus suis iure hereditario possidebat Deo et ecclesie Sancti Eugendi ad usus prioratus de Arboys in elemosinam donauit et concessit Hanc autem elemosinam et donationem factam nos laudamus et concedimus et pontificali auctoritate confirmamus saluo iure nostro et ministerialium nostrorum Ad perennem uero hujus facti memoriam presenti scripto sigillum nostrum fecimus apponi omnes illos qui contra justiciam memoratam elemosinam supradicto prioratui perturbare adtemptauerunt excommunicantes Actum anno Dominice Incarnationis millesimo ducentesimo vicesimo primo Data per manum Stephani cancellarii nostri xij Kalendas februarii