Charter Document - 05070002
| Charter Number: | 05070002 |
|---|---|
| Cartulary Title: | Cartulaire de l'Abbaye Royale de Notre-Dame de Bonport |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1190 |
| Date type: | Internal, Regnal |
| Resource Link(s): |
Archives départementales de Seine-Maritime - 5 H supp/1 SCRIPTA - Base des actes normands médiévaux |
Charter:
Ricardus Dei gratia rex Anglie dux Normannie Aquitanie comes Andegavensis archiepiscopis episcopis abbatibus comitibus baronibus justiciis vicecomitibus senescallis prepositis et omnibus ministris et fidelibus suis totius terre sue salutem Sciatis nos pro salute anime nostre et antecessorum nostrorum dedisse et concessisse et presenti carta confirmasse in puram et perpetuam elemosinam Deo et ecclesie Beate Marie de Bono Portu que in foresta nostra de Borz sita est et fundata in loco qui prius dicebatur Maresdans et monachis ibidem Deo servientibus decem carrucatas terre in foresta nostra de Awis unicuique carrucate sexaginta acras terre ad perticam nostram ad faciendum ibi grangiam ad bestias suas et ad bladum suum et ad ea que voluerint et in eadem foresta ligna ad edificia sua facienda et ad ardendum quantum opus habebunt et in eadem foresta herbagium bestiis suis quotcunque in nemore illo voluerint habere et quietantiam pasnagii porcis suis Quare volumus et firmiter precipimus quod predicta abbatia et predicti monachi habeant et teneant in perpetuum omnia predicta bene et in pace libere et quiete integre plenarie et honorifice cum omnibus libertatibus et liberis consuetudinibus suis Testibus God Wintoniensi Hugone Covintrinsi episcopis Willelmo de Humeto constabulario Willelmo filio Radulphi senescallo Normannie Ricardo de Humeto Roberto de Harecurt Willelmo Marescallo Data per manum Johannis de Alenconio Lexoviensis archidiaconi vice cancellarii nostri xxil die junii apud Chinon anno primo regni nostri
Source (click image below to view full size)
