Charter Document - 05060118
| Charter Number: | 05060118 |
|---|---|
| Cartulary Title: | Acts of Waleran II, Count of Meulan and Worcester, 1104-1166 |
| Charter Language: | Latin |
| Charter Origin: | Religious |
| Charter Type(s): | Notification, Grant |
| Date: | 1149 - 1154 |
| Date type: | Assigned |
| Resource Link(s): |
Archives départementales de Seine-Maritime - 18 HP 7/8 SCRIPTA - Base des actes normands médiévaux |
Charter:
H dei gratia Roth[omagensi] archiepiscopo et omnibus fidelibus sancte ecclesie tam presentibus quam futuris G comes Mell[enti] salutem Nouerit uniuersitas uestra me dedisse abbatie sancte Marie de Uoto de ordine Cisterciensi que sita est in ualle que est inter Lilebonam et Bolebech pro anima patris mei et matris mee et antecessorum meorum et pro salute mea et Agnetis comitisse uxoris mee et Rob[erti] filii mei et aliorum liberorum meorum et amicorum uiuorum et mortuorum in perpetuam elemosinam totam haiam de Lintot cum omnibus appenditiis suis sicut comes Ebroic[ensis] cum sorore sua Agnete comitissa mihi donauerat quando eam in matrimonium duxi cum omnimoda libertate nichil mea sui iuris retinens Et quia Bernac[ense] monasterium in illis partibus agros affines cum capella sancti Marcelli possidebat sine quibus abbatia prefata non posset ordinate fundari donaui Richard[o] abbati de Bernac[o] et fratribus eius in concambium vii acras terre arabilis in eodem territorio et xxx solidos probate et usualis monete in assignatis terris et hominibus annuatim persoluendos et v asinos ad mortuum boscum absque omni consuetudine reddenda in foresta de Floteneio per manum predicti archiepiscopi in presentia Arnulfi Lexou[iensis] episcopi et Ade abbatis Mortuimaris et aliorum plurimorum religiosorum inperpetuum T[estes] Philipus episcopus Baioc[ensis] et Roth[rodus] episcopus Ebroic[ensis] et Rob[ertus] filius comitis et Rob[ertus] de Nouo burgo Rob[ertus] dapifer de Fromou[illa] Will[elmus] de Pinu Alanus de N[oua] uill[a] Rad[ulfus] de Mandau[illa] Rob[ertus] de Brion Rad[ulfus] Hareng