Charter Document - 05060101
| Charter Number: | 05060101 |
|---|---|
| Cartulary Title: | Acts of Waleran II, Count of Meulan and Worcester, 1104-1166 |
| Charter Language: | Latin |
| Charter Origin: | Religious |
| Charter Type(s): | Narrative, Grant, Confirmation |
| Date: | 1160 - 1166 |
| Date type: | Assigned |
| Resource Link(s): |
Archives départementales de l'Eure - H 711 (f36r) SCRIPTA - Base des actes normands médiévaux |
Charter:
Notum sit presentibus et futuris quod Rogerius Bellimontis et Robertus frater eius filii Hunfridi de Vetulis ecclesie sancti Petri Pratellensis fundatoris dederunt deo et predicte ecclesie decimam totius uille Pontis Audomeri rerum omnium que decimari poterant Quam longe tempore post monachi ibidem deo seruientes integre et absque omni diminutione possederunt Tandem crescente cupiditate et fraudulentia prepositorum preualente ceperunt quidem eorum deo datam decimam diminuere Et quam integre et quiete monachi possederant cum gradi difficultate tres eiusdem decime partes vix habere poterant Quod Gualerannus comes Mellenti comperiens vir deo deuotus anime sue curam gerens et eccleise predicte inposterum consulens ne decime deo date amodo aliquid diminutero fieret decimam septimanam totius redditus Pontis Audomari et per terram et per aquam per omnia liberam et quietam sicut idem comes novem septimanas habebat concedente Roberto filio suo et Agnete uxore sua annuente deo et ecclesie sancti Petri Pratelli concessit Omnium autem rerum que ad preposituram non pertinent sicut estallorum moagiorum fenestragiorum furnorum fenorum sicce molture censuum molendinorum tercie partis decimam et duarum partium reliquorum triginta solidos de sancto Leodegario et triginta sex de Henrico de Nouoburgo et salmonum vicecomitatus et ferie que est post Pentecosten et omnium reliquorum predictus comes ecclesie sancti Petri Pratelli decimam quam iampridem possederat liberam et sine omni diminutione concessit Et ut hec in perpetuum rata permaneant munimento sigilli sui confirmauit Testes Robertus senescallus Gualerannus filius predicti comitis Willelmus de Pinu Gislebertus le Saisne Willelmus Pipardus Radulfus filius Alberade Walterius de sancto Sansone Crispinus Hugo de sancta Maria Hunfridus Lengigneor Ego autem Robertus filius Gualeranni comitis hec omnia que a patre meo concessa et donata sunt concedo et sigilli mei auctoritate confirmo Testes suprascripti omnes