Charter Document - 05060097
| Charter Number: | 05060097 |
|---|---|
| Cartulary Title: | Acts of Waleran II, Count of Meulan and Worcester, 1104-1166 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1155 |
| Date type: | Internal, A.D. |
| Resource Link(s): |
Archives départementales de l'Eure - H 711 (f37v) SCRIPTA - Base des actes normands médiévaux |
Charter:
Anno ab incarnatione domini MC quinquagesimo quinto Robertus filius Alberti de Turuilla dedit deo et ecclesie sancti Petri de Pratello concedente filio suo Nicholao et super altare ponente pro monachatu suo totam terram suam quam habebat Asfossetes quam Michael abbas a Hugone de sancta Maria de triginta solidis Carnotensibus disvagivit Addidit etiam pro pannis suis et pro monachatu suo et pro concambio terre Iohannis del Buissum totam terram suam quam habebat in Brochestuith hac conuentione quatinus heres predicti Roberti terram quam fuit Iohannis del Buissum omni remota monachorum calumnia quietam teneat et prefata ecclesia terram de Brochestuith liberam in perpetuum possideat Huius autem conuentionis ego Gualerannus comes de Mellent testis sum me etenim presente et concedente facta est et ego ecclesie beati Petri utranque terram liberam et quietam concedo sicut etiam terras quas de elemosina mea et antecessorum meorum liberas et quietas possidet Testes etiam sunt Robertus filius eiusdem Gualeranni comitis et Robertus dapifer et Willelmus de Pinu et Radulfus Efflanc et Ricardus de sancta Maria Willelmus de Formentin et Rogerius de Campigneio Hunfridus Lengigneor et Odo le Senescal