Charter Document - 05060081
| Charter Number: | 05060081 |
|---|---|
| Cartulary Title: | Acts of Waleran II, Count of Meulan and Worcester, 1104-1166 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1135 |
| Date type: | Assigned |
| Resource Link(s): |
|
Charter:
Ego Galeranus comes de Mellent[o] pro anima patris mei et antecessorum meorum necnon etiam pro redemptione et salute anime mee concedo et in perpetuum constituo infirmis fratribus de Bello Loco sancti Egidii apud Pontem Audom[ari] ad seruiendum ibidem deo uiuo et uero in ordine et religione ad formam et institutionem Belli Loci de Carnoto hec subscripta Item inprimis itaque constituo eis in prepositura mea de Ponteaudom[ari] xxx libras per annum ita ut singulis mensibus habeant quinquaginta solidos Item do etiam eis ad uestes vii marcas argenti de redditibus meis de Anglia et hoc ad terminum sancti Michaelis Item do etiam eis xl carratas lignorum adducatas eis usque ad Pontem Audom[ari] Item do etiam eis de alneto meo subtus Pontem Audom[ari] x acras ad hortos et pascua Item do etiam eis duas acras pratorum meorum Item do etiam eis unam carrucatam terre desuper boscum ardearum prope domos ipsorum fratrum Item de toto uino meo do quod uenit ad cellaria mea de uinea mea de Bellomonte et de uinea mea de Sahus et de clauso meo de Cruce plenariam decimam Item de toto etiam uino meo quod ueniet mihi de Francia siue in bacco siue in nauibus siue etiam per terram constituo et concedo duas partes decime Item concedo etiam eis in Ponte Audom[ari] duos burgenses ad seruitium eorum quietos ab omni consuetudine Item do etiam eis medietatem totius decime conregiorum domus mee domi siue extra Item do etiam eis plenariam decimam de haia mea de Lendino et omnium que de eadem exibunt Item do etiam eis tres millenarios allecium ad Pontem Audom[ari] Item do etiam eis medietatem noui molendini de Ponte Item concedo eis duas quadrigatas ad ligna eorum adducenda de Brotonna quietas a consuetudine Has omnes donationes Gal[erannus] comes de Mellent[o] posuit super altare sancti Egidii coram omni populo presente dompno Girauldo de Bello Loco Donationes etiam baronum et amicorum suorum Item Gal[erannus] comes de Mell[ento] dedit deo et sancto Egidio apud Pontem Audom[ari] et infirmis fratribus unam carrucatam terre de Brionnia pro anima sua et antecessorum suorum presente dompno Rad[ulfo] Cantel monacho de Tyrun