Charter Document - 05060080

Reuerendo patri ac domino suo Eugenio dei gratia summo pontifici G comes Mellenti sue sanctitatis filius salutem et filialis obedientie deuotam supplicationem Si mendico discurrenti ac petenti sibi necessaria dandum esse clamet auctoritas quam ex contractione caritatis siue nequitia transgredi uel contraire saluti est contrarium atque dampnabilis hiis specialiter pauperibus quos extra communem hominum conuersationem eici et seorsum uiuere sua facit infirmitas ultro est offerendum atque conferendum unde uitam trahant atque sustineant usque ad finem miserie et ex sufficientia uictus et uestitus aliquod anxietatis continue inuenient solatium ac leuamen Cuius rei animauersionem ego suscipiens a spiritu consilii et sanctie illuminante quem edocet rerum mei fisci et iuris hereditarii seorsum assignatam partem meo preripui et ablegaui successori ac firmata bona uoluntate preueniente illius gratia qui hilarem eligit datorem hanc assignaui in perpetuam elemosinam et concessi infirmorum fratrum et clericorum cum eis deo seruientium miserando conuentui qui prope uillam meam que dicitur Ponsaudomari in ecclesia sancti Egidii constituti sunt ad religionis regulam que ab Iuone honeste memorie Carnotensi episcopo prouide et sapienter est instituta Sed quam dies mali sunt et ut conicitur ex presentibus instant grauiores propria mea uel aliorum dona et concessiones sive adquisitiones quarumlibet possessionum ad feodum meum pertinentium quas iuste possident in presenti carta subscribi feci et sigilli mei munimento confirmaui ac pro supplicibus supplicare uestre maiestati congruum duxi et eis utile ut opus dei inter homines apostolici auctoritate priuilegii ratum faciatis et stabile et apud presentes et posteros inuiolabile preter hoc autem ex habundantia caritatis uestre plenam canonice iusticie satisfactionem eos habere faciatis super ecclesia de Luines quam com rebus ad eam pertinentibus rex Steph[an]us ad salutem anime sue eis dederat et propria carta donum confirmauerat que regalis fisci basilica nullis aliis ante data fuerat cuius inuestituram ac beneficia predictos fratres per longum tempus habuisse sed iniuste amisisse nouit ac testatur Cantuarensis archiepiscopus qui super iustitia faciendi ab eis apostolici exagit mandati litteras sed his actenus interpositis subscribuntur possessiones predictorum fratrum Inprimis itaque do eis in prepositura mea de Ponte Audomari xxx libras per annum ita ut singulis mensibus l solidos inde habeant Item septem marcas de reditibus meis in Anglia et xl carratas lignorum usque ad Pontem Audomari eisdem fratribus adducendas Item decem acras de alneto meo subtus Pontem Audomari ad orta siue pascua et duas acras meorum pratorum iuxta fossam uetularum Item unam carrucatam terre desuper boscum ardearum et de toto uino meo quod ueniet mihi de uinea mea de Bellomonte et de uinea mea de Sauhus et de clauso meo de Cruce plenariam decimam Item de toto uino meo quod ueniet mihi de Francia siue per terram siue per aquam constituo eis et concedo duas partes decime et duos burgenses ad seruitium eorum quietos ab omni consuetudine Item medietatem totius decime conrediorum domus mee siue in Norm[annia] siue in Angl[ia] Item tres millenarios harengiorum apud Pontem Audomari Item concedo eis duas quadrigas ad ligna eorum adducenda de Brotunna quietas ab omni consuetudine Item unam carrucatam terre apud Brionium et hospitem quendam apud Brionium solutum et quietum ad facienda eorum negotia Item unam masuram terre in prato apud Montem fortem solutam et quietam ab omni consuetudine apud Montem fortem Concedo etiam ecclesiam de Stuministria cum decimis et terris et omnibus rebus ad eamdem pertinentibus predictis fratribus quamdam ad laicam pertinet potestatem que iuste et canonice eis data est dono Salisbiriensis episcopi cuius est parrochia ad uestitum sacerdotum cum illis deo seruientium et ipsorum infirmorum Has omnes donationes ego G comes de Mellent[o] posui super altare sancti Egidii omni populo presente de Ponte Audom[ari] Donationes etiam baronum et amicorum meorum Istis autem mei iuris et proprietatis donationibus propter confricationem assensus mei atque presidium subscripta sunt aliorum dei fidelium dona collata ipsis fratribus necnon eorum coemptiones et adquisitiones quas in terra mea iuste possederunt et possident videlicet terra illa quam emerunt apud Boscum Goieti a Normanno meo armigero Item terram unam sub bosco ardearum habunt a Rodberto de Formouilla quam ipse pro salute anime sue eis et antecessorum suorum eis dederat in perpetuam elemosinam vnde etiam habunt in recognitione vii libras et iiii solidos Carn[otenses] G comite de Mell[ento] concedente et testante Radulfus Croc uendidit eis quamdam terram iuxta pratum eorum pro xii solidis Carn[otensibus] Pro multura huius terre habunt Rad[ulfus] Efflanc xii denarios Car[notenses] quia quietam eam concessit Will[elmus] de Wanescrot et Hugo Harenc dederunt deo et sancto Egidio et eis in perpetuam elemosinam terram suam collateraram domui ipsorum ex parte orientis concedentibus filiis et fratribus et cognatis suis unde ex recognitione habuerunt tres marcas argenti et dimidiam et xxviii stell Ric[ardus] Harenc xii denarios Rad[ulfus] vero frater eius xii denarios Hugo de Bailluel filius Will[elmi] de Wanescrot habuit xii denarios Item Petr[us] filius Angeri dedit eis in perpetuam elemosinam terrulam quamdam fere unius acre desuper domum ipsorum infirmorum Item Ricardus Broc et frater eius et Rodbertus presbiter filius Feroudi hereditatem suam de uilla sancti Sansonis quam per duellum dirationauerunt contra Rad[ulfum] de sancto Sansone predictis fratribus uendiderunt xxx et vi libris Carn[otensibus] et hoc assensu Godardi de Uallibus qui tunc preerat terre illi unde etiam ipse habuit sexaginta solidos Kar[notenses] Item Beatrix filia Anschetilli pincerne eis uendidit terram suam vii marcis argenti de clause Item Rad[ulfus] Birbete ab eis accepit duas marcas argenti pro uenditione terre quam in uadio posuerat Harum uero predictarum donationum terrarum quietationes quantum ad ipsos dantes uel uendentes pertinet uiri predicti dederunt pro salute animarum suarum et uendiderunt predictis fratribus Thomas de Bellomonte et filius eius dederunt eis xx acras terre in uilla que dicitur Ispania et pascua animalibus et ouibus eorum quiete et libere et eius quietationem liberam que ad ipsam pertinet et preter hoc terram suam de Coudreio in bosco et plano et pratis et hoc assensu Radulfi Efflanc de cuius feudo est hec terra qui sui dominii haiam unam cum fossa iuxta pratum eis dedit et concessit eis plenarum quietationem molture et seruitii de eadem terra quantum ad ipsam pertinet Item Rad[ulfus] Paruus dedit masuram iuxta terram in Bulgerura Radulfus filius Gilleberti dedit eisdem in eodem uico unam masuram terre Guill[elmus] de Tibouvilla dedit eis terram de Fonte Paganus de sancte Maria in dedicatione ecclesie unam acram terre Giroudus Puella frater eorum domum suam dedit eis cum terra sua ad eam pertinente infra riuum et extra et unam aream et duas de clauso suo dimidias contiguas et duas acras terre Harum autem et emptionum et acquisitionum testes sufficienter assignati sunt in alia carta eiusdem munimenti quorum in parte subscripta sunt nomina et signa in presenti pagina Robertus de Nouoburgo ego Rodbertus dapifer comitis ego Gaufridus Bertrannus ego Galeranus comes Mellenti ego Rodbertus filius comitis ego Agnes comitissa ego Thomas de Tornebu ego Ricardus Bigotus ego Radulfus de Magneuilla