Charter Document - 05050008
| Charter Number: | 05050008 |
|---|---|
| Cartulary Title: | Acts of Waleran II, Count of Meulan and Worcester, 1104-1166 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1155 |
| Date type: | Internal, A.D., Calendar |
| Resource Link(s): |
|
Charter:
Quoniam que a mortalibus geruntur veloci huius temporis cursu cito a memoria tolluntur a religiosis et sapientibus viris salubriter institutum est ut quod in ecclesia geritur carte representatione posteris quasi recens habeatur Notum igitur fieri volumus tam presentibus quam futuris quod Radulfus de Grolai consilio et assensu mei Gualeranni comitis Mellenti et Roberti filii mei et Agnetis uxoris mee et Symonis filii predicti Radulfi de Grolai et ceterorum hominum et amicorum suorum dedit ecclesie sancte Trinitatis de Bellomonte et monachis Beccensibus in eadem ecclesia deo seruientibus in perpetua eleemosina pro anima [sua] et parentum suorum totam terram suam de Spineto quam tenebat de me G comite Mellenti Quapropter ego comes G dedi per manum Roberti prioris eiusdem ecclesie predicto Rad[ulfo] xx libras Carnotensis monete que tunc currebat per meam terram In ea vero terra non sibi retinuit Radulfus [ni]si monachi in predicta terra hospites instituerint molta eorum ibit ad molendinum predicti Radulfi Si vero de eadem terra aliis hominibus locauerint siccam moltam de eis accipiet Omne autem dominium monachorum ubi eis placuerit quietum deferetur Famuli vero monachorum in eadem terra manentes vel in domibus monachorum siccam prebendam accipientes ad molendinum predictum ibunt Concessit etiam idem Radulfus et Symon filius eius me presente et concedente et Roberto filio meo ecclesie sancte Trinitatis unam carrucatam terre quam Adeleis amita sua uxor Roberti de Vacaria et Symon filius eius predicte ecclesie sancte Trinitatis [dederunt] In hac etiam terra predictus Radulfus moltam sibi retinuit sicut in supradicta Has donationes ego Gualerannus comes Mell[enti] concedo et confirmo et successoribus meis cum predicta ecclesia seruandas et custodiendas committo Actum est hoc publice ii idus julii in ecclesia sancte Trinitatis Anno ab incarnatione domini MCLV me presente comite et Roberto filio meo astantibus etiam baronibus meis et hominibus Will[elm]o videlicet de Pinu Roberto de Formouilla Roberto de Vetulis Willelmo de Bailleul