Charter Document - 05048052
| Charter Number: | 05048052 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1333 |
| Date type: | Assigned |
| Resource Link(s): |
Reference Document for this Embedded Document Cartulaires d'Île-de-France |
Charter:
Preterea dictus testator dedit legavit Symoni de Poliempont nepoti suo domum suam de Boissiaco et omnes hereditates et possessiones inmobiles quas habet et possidet idem testator apud Boissiacum predictum et in locis circumvicinis cum earum juribus et pertinenciis universis tenendas et possidendas ab eodem Symone toto cursu vite sue et post ipsius Symonis decessum idem testator predictas domum hereditates et possessiones dedit et legavit in puram et perpetuam elemosinam abbacie Vallium Cernaiy pro uno altari seu capellania in eadem abbacia fundando et instituendo ab abbate et conventu dicti loci in qua tenebuntur im perpetuum singulis ebdomadis tres missas de Defunctis devote facere celebrari pro ipsius testatoris parentum amicorum et benefactorum suorum animarum remedio salutari volens et ordinans expresse idem testator quod si abbas et conventus ejusdem abbacie vivente dicto Symone de Poliemponte ei vellent assignare quadraginta libras turonenses redditus seu annue pensionis fideliter et legitime quamdiu duntaxat idem Symon vixerit iidem abbas et conventus ex tunc dictas domum hereditates et possessiones haberent et possiderent pacifice et quiete faciendo de ipsis suam plenariam voluntatem fundatis prius seu legitime institutis altari sive capellania supradictis obligatis etiam legitime eisdem abbate et conventu Vallium Cernaiy ad dictas tres missas prout expressum est superius per eos celebrandas Si vero abbas ipse et conventus nollent ipsum altare sive capellaniam sic fundare dictasque tres missas ut predicitur facere celebrari et se ad hoc legitime obligare non vellent dictus testator in eventu predicto legatum hujusmodi dedit et legavit abbati et conventui monasterii Sancti Victoris Parisiensis ac priori et conventui de Cartusia prope Parisius ac Domui Dei Parisiensis modo et forma superius expressatis pro dictis tribus missis ab eisdem videlicet in quolibet ecclesiarum seu monasteriorum suorum una missa qualibet ebdomada pro eodem testatore et suis perpetuo celebranda