Charter Document - 05041064
| Charter Number: | 05041064 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Recognition |
| Date: | 1363 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
A tous ceuls qui ces lettres verront Jehan Bernier chevalier le roy nostre sire et garde de la prévosté de Paris salut Savoir faisons que Johan Moras demourant à Bruières recognut lui avoir baillié ottroié eschangé et par nom de pur eschange quittié et délessié à religieuses personnes et honnestes les abbé et couvent des Vaux de Sernoy pour eulx et leurs successeurs en icelle église demi arpent de terre gaignable que il avoit séant ou terrouer de Bruières au lieu de la Rue tenant d'une part à la terre Macy Tretiau et d'autre part à la terre Marguot la Maillarde en la censive des religieux dessusdiz à six deniers de cens C'est assavoir cest eschange fait but à but pour et encontre d'un jardin que iceux religieux avoient des appartenances de leur maison de Bruières entre les deux maisons dudit Moras que icelui Moras en confessa avoir eu d'iceux religieux en eschange et s'en tint à bien paié et content [] En tesmoing de ce nous avons mis à ces lettres le seel de la prévosté de Paris l'an de grace mil CCCLXIII le samedi XXII jour de juillet