Charter Document - 05041063

A tous ceux qui ces présentes lettres verront Jean Deville bailly madame la royne Blanche salut Jaçoit ce que par vertu des lettres de Nicolas Tellier nostre lieutenant soient saisis et mis en la main de ma dite dame dix huict livres de cens ou rentes que religieuses personnes et honnestes l'abbé et le couvent des Vaulx de Cernay ont et perçoivent chacun an de rente au lieu de Vertault en la chastellenie de Chasteau Landon pour cause de ce que és lettres de nostredit lieutenant est supposé les choses non estre amorties savoir faisons que aujourd'hui lesdiz religieux nous ont faict foy de l'admortissement desdictes dix huict livres de rente du temps du roy Phelippes le Bel dont Dieu ait l'âme scellé de cire verte et en soye donné l'an mil trois cens et quatre et aussy nous ont monstré par lettres des seigneurs de Mally données l'an mil trois cens et deux le vray tiltre de ladicte rente si avons osté et ostons l'empeschement mis pour celle cause en icelles dix huict livres de rente et la main de ma dicte dame levée au proffit desdiz religieux se par autre cause n'y estoit ledict empeschement En tesmoin de ce nous avons mis à ces lettres le scel dudict bailliage Donné à Paris le vingtiesme jour de febvrier l'an mil trois cens cinquante sept