Charter Document - 05041060

A touz ceuls qui ces présentes lettres verront et orront Symon Maupingne garde de la prévosté et des seauls de la chastellerie d'Espernon salut Saichent tuit que en la présence Jehannin Cosse clerc juré tabellion de ladicte chastellerie ad ce establi vint et fut présent en sa propre personne Jehan Malevie bourgeois d'Esparnon lequel cognut et confessa soy avoir vendu à relegieus hommes et honestes l'abbé et le couvent de l'église des Vauls de Cernoy telle desme comme ledit bourgois a et puest avoir eu la ville et ou terrouer d'Orfin et environ appellée la desme qui fut jadiz aus Breteauls tenue en fyé et à une foy de Thomas le Roy autrement le Tonnelier à cause de damoiselle Estace sa fame pour le pris et la somme de vinte quatre florins d'or à l'escu [] Donné tesmoing les seauls de la chastellerie dessus dicte à la relacion dudit clerc juré l'an de grace mil trois cens quarante oit le mardi après les Brandons trois jours ou moys de mars