Charter Document - 05041050
Charter Number: | 05041050 |
---|---|
Cartulary Title: | Cartulaire de l'Abbaye de Notre-Dame des Vaux de Cernay |
Charter Language: | French |
Charter Origin: | Lay |
Charter Type(s): | Confirmation |
Date: | 1332 |
Date type: | Internal, A.D., Feast |
Resource Link(s): |
Cartulaires d'Île-de-France |
Charter:
A touz ceus qui ces présentes lettres verront et orront Roulet Prieur garde du seel de la chastelerie de Rochefort salut Sachent tuit que en la présence Jaque Manuel tabellion de Rochefort juré et establi à ce vint et fu présent Jehan de Buvyller demorant à présent à Craiches lez Chaumuçon lequel aferma que il avoit tenoit et pourseoit de son propre une pièce de pré si comme elle poursuit en lonc et en lé tenent d'une part d'un des costés à la roschière Jehan Boncorps de Bollon et de l'autre costé à la rivière alant de Bollon au Bourneuf et des deus autres bous aus prez de très noble et puissent homme misire Thibaut de Denisy chevalier séant en la chastelerie de Rochefort en ladite rivière de Bollon tenue dudit misire Thibaust de Denisi sire de Bollon chevalier à onze deniers parisis de cens paiez par an le jour de la Nostre Dame de marz en ladite ville de Bollon laquelle pièce de pré dessus nommée et devisée le dessusdit Jehan de Buvilliers donne aumosne quicte cesse transporte et du tout en tout délesse par don et aumosnement faiz entre vis à touz jors sanz espérence de james rappeler à très religieux hommes et honestes en Diex servir mes seigneurz l'abbé et le couvent des Vaux de Sernay et à ladite église des Vaux [] En tesmoing de ce nous à la relaccion dudit tabellion juré avons seellé ces présentes lettres du seel dessusdit Donné l'an de grace Nostre Seigneur mil trois cenz trente et deus le vendredi après la saint Martin d'yver