Charter Document - 05041045
| Charter Number: | 05041045 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Religious |
| Charter Type(s): | Grant |
| Date: | 1322 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
A touz ceus qui ces présentes lettres verront et orront Nolet prieur de Rochefort garde dou seel de la chastelerie de ycelui lieu salut Sachent tuit que damoyselle Jehane du Val Saint Germain jadis fame feu Guéryn du Rouçoy escuier et fille feu monseignieur Pierre Lucas du Val Saint Germayn jadis chevalier aumosna octroia quitta délessa et du tout transporta et anquores amosne ottroie quitte délesse et transporte à religieux hommes et honestes en Diex servir monsieur l'abbé et le couvent des Vaulx de Sarnay et à touz leurs successeurs et à leur esglise dis arpenz de boys qu'elle avoit et pourseoit de son propre héritaige ou terroer dou Val Saint Germain ou chantier dit de Goutayn mouvanz dou propre conquest doudit feu misire Pierre son père dessusdit tenuz de madame la contesse de Roucy dame de Rochefort [] En tesmoing de ce nous Nolet dessusdit avons seellé ces présentes lettres dou seel de ladite chastelerie de Rochefort Donné l'an de grace Nostre Seignyeur mil troys cenz vint et deus le jour de la feste sainte Croyz ou moys de may Et à ce faire traiter et acorder furent présenz appellez tesmoings Perrot de Rochefort escuier neveu de ladicte demoiselle frère Robert d'Escoz frère Jehan des Cordes moinnes et Guillot le Barbier dou Val Saint Germain Donné comme dessus