Charter Document - 05041042
| Charter Number: | 05041042 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Grant |
| Date: | 1320 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
A touz ceus qui ces lettres verront et orront je Jehan de Autueill escuier et baillif d'Aufergis salut en Nostre Segneur Sachent touz que Pierre Tybert et Perrenelle sa femme borgois de Paris confessièrent eus avoir donné pardurablement pour Dieu en pure aumosne et pour le salu de leur ames et de touz leur amis et bienfaiteurs à religieus hommes l'abbé et le covant des Vaux de Sarnay por estre acqueilliz és biens esperitels de leur église leur manoir qui est appelé les Deus Mesons si comme il se comporte les terres et les prez et toutes les appartenences audit manoir estanz en la parroche d'Aufergis tenuz du segneur de ladite ville à cinq solz sept deniers parisis et maille paiez chascun an à la feste saint Remi [] Et en tesmoign de ce j'ai saellé ces présentes lettres à la requeste des doneeur desusdiz sauz le droit de monsegneur d'Aufergis et l'autrui Doné l'an de grace mil trois cenz dix et noef le secont jour de marz