Charter Document - 05041033

Charter Document - 05041033


Charter Number: 05041033
Cartulary Title: Cartulaire de l'Abbaye de Notre-Dame des Vaux de Cernay
Charter Language: French
Charter Origin: Lay
Charter Type(s): Grant
Date: 1315
Date type: Internal, A.D., Feast
Resource Link(s): Cartulaires d'Île-de-France

Charter:

A touz ceus qui ces présentes lettres verront et orront je Guillemin Champelin escuier saluz en Nostre Seigneur Sachent touz que je weil et otraie que religieus hommes et honestes mes bons amis en Dieu li abbés et le covent des Vaux de Sernoy teignent et poursuivent paisiblement et perdurablement en main morte sanz contrainte de vendre ne de despendre ne de metre hors de leur main tote icelle disme que Robin du Mostier leur frère et leur donné avoit et poursuivoit ou temps que il vivoit à Orphyn et és apartenences tant en fié comme en arrièrefié ovesques une meson que icelui Robin avoit en ladite ville de Orphyn c'est asavoir pour sis livres lesqueles je Guillemin Champelin dessusdit ai euz et receuz desdiz religieux [] Ou teigmoeing de laquele chose j'ai ces présentes lecttres seellées de mon propre seel l'an de grace mil trois cenz et quinze le jour de la Magdelène