Charter Document - 05041030

A touz ceus qui ces présentes lettres verront et orront Jehan de Sernoy chevalier seigneur dudit lieu et Mahaut sa fame dame ausint de ladite ville saluz en Nostre Seigneur Sachent touz que si comme il apert en une lettre sellée du seel de la prévosté de Paris faite l'an de grace mil CCC et quatre le mercredi d'après Penthecoste avons vendu délessé et quitté à touzjours sanz james rapeler au religieus des Vaux de Sernoy sis arpenz de terre assis au terroeir de Sernoy en la Coture du Rousset movenz de nostre propre conquest ovesques IIII arpenz de pré de nostre propre héritage assis ou terroeir de Sernoy entre Sernoy et la granche d'Ors movenz des fiez de Neauphe pour le pris de C livres parisis Item si comme il apert en une lettre sellée du seel de ladite prévosté de Paris faite l'an de grace mil troiz cenz et quatre nous avons vendu quitté et délessé à touzjours sanz james rapeler audiz religieus des Vaux de Sernoy douze arpenz de terre assis en la Coturesus le Puis au bout dessus séanz ou terroeir de Sernoy tenenz d'une part à la voie par laquele l'en va de Sernoy à Champ Houdri et d'autre part à la terre monsieur Eude chevalier frère dudit monsieur Jehan c'est asavoir pour le pris de VI livres parisis Et prometons sur l'obligacion de touz naus biens meubles et non meubles à garentir audiz religieus les dessusdiz héritages contre touz et à naus propres couz Et quant à ce fermement tenir [] En teigmoeing de laquele chose nous avons sellées ces présentes lettres de naus propres seaus l'an de grace mil trois cenz et treze le mercredi d'après Pasques