Charter Document - 05041025

Universis presentes litteras inspecturis frater Johannes dictus abbas Vallium Sarnaii totusque dicti loci conventus salutem in Domino sempiternam Noverit universitas vestra nos cum domino Stephano rectore ecclesie sancti Petri de Plesiaco nomine ecclesie sue predicte utriusque partis utilitate pensata quandam permutationem seu excambium fecisse de quadam pecia terre quam habebamus et possidebamus subtus nemus de Nealpha Castro circa quatuor arpenta continentem contigua nemori castellani dicti castri ex una parte et terre Bertaudi Postelli ex altera ac terre dicte la Guillorée ex alia et terre domini Hugonis de Arsiciis militis ex altera pro duabus peciis terre quas dictus rector ecclesie de Plesiaco supradicte tenebat et possidebat in territorio dicte ville quarum una sita est in territorio Pratorum contigua rivo de Merderel ex una parte et terris nostris ad domum nostram de Ebisoires pertinentibus ex aliis lateribus et alia sita est in territorio de Pede Loto juxta cheminum quod ducit de Plesiaco apud Parisius ex una parte et juxta terram Guilloti Troignon ex uno latere et juxta terram defuncti Guidonis dicti Pelu de Plesiaco quondam militis ex altera et terre Hueti de Breteschia domicelli contigua terris nostris ex eodem latere proximo precedenti volentes et concedentes unanimi assensu et deliberatione inter nos prehabita diligenti quod dictus rector ecclesie de Plesiaco supradicte ac ejusdem successores in regimine ecclesie supradicte predictam petiam terre sicut superius est expressa teneant et possideant in perpetuum pleno jure ita liberam et quietam sicut et nos antea tenebamus [] In cujus rei testimonium et munimen sigillum nostrum quo solo utimur presentibus litteris duximus apponendum Datum anno Domini M trecentesimo nono die lune in octabis Purificacionis Virginis gloriose