Charter Document - 05041017
| Charter Number: | 05041017 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1306 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis frater Johannes dictus abbas Vallium Sarnay totusque ejusdem loci conventus salutem in Domino sempiternam Noverit universitas vestra quod cum contentio verteretur inter nos et dominum Guillelmum de Guillervilla militem pro defectu culture cujusdam pecie vinee que vinea vocatur vinea Interduasaquas tandem pro bono pacis convenimus in hunc modum quod nos de consilio et assensu omnium nostrorum et amore predicti militis predictam vineam sicut se comportat in longum et latum predicto militi et ejusdem heredibus pacifice relinquimus in perpetuum possidendam tali conditione quod prefatus miles ac ejusdem heredes nobis quitaverunt novem denarios parisienses quos debebamus eidem annui census in festo sancti Remigii et pressoragium vinee supradicte et de vinea Molendini Novi De qua quitacione predictorum novem denariorum et pressoragio promisit dictus miles [] In cujus rei testimonium sigillum nostrum quo solo utimur presentibus litteris duximus apponendum Datum anno Domini millesimo trecentesimo sexto die mercurii in festo beati Bartholomei apostoli