Charter Document - 05041005
| Charter Number: | 05041005 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Sale |
| Date: | 1302 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
A touz ceus qui ces présentes lettres verront Henri des Guez prévost de Mally le Chastel salut Sachent tuit que par devant nous vindrent en leur propres personnes Guillaume Bourdot et Angnes sa fame et recognurent et confessèrent eus avoir vendu et par nom de pure vente avoir quitté otraié et délessié à religieus homme l'abbé et le couvant des Vaus de Sernoy un jardin si comme il se comporte séant à Maudestour tenant d'une part à Guillaume de Chaponnal et d'autre part ausdiz religieus tenu de Richart aus Babos à trois mailles de pur cens sanz nulle autre cherge poiez par an le premier dimanche de Quaresme vendu ledit jardin le pris de quatre livres parisis [] En tesmoing de ce nous avons scellé ces lettres du seel de la prévosté de Mallyle Chastel Ce fut fet l'an mil CCC et deux la veille de la saint Symon et saint Jude