Charter Document - 05030989
Charter Number: | 05030989 |
---|---|
Cartulary Title: | Cartulaire de l'Abbaye de Notre-Dame des Vaux de Cernay |
Charter Language: | French |
Charter Origin: | Lay |
Charter Type(s): | Recognition |
Date: | 1300 |
Date type: | Internal, A.D., Feast |
Resource Link(s): |
Cartulaires d'Île-de-France |
Charter:
A tous ceuz qui ces lettres verront Jehan Fuiret garde du seel de la prévosté de Vernon salut Sachez que par devant Denis Goville clerc juré Nicolas Gascoing clerc tabellion le roy à Vernon à qui nous ajouston foi furent présens Jehan de Perier et Jehanne sa fame de la parroisse Nostre Dame de l'Isle si comme eus disoient et recognurent de leur boenne volenté avoir quittié et délessié du tout en tout à tousjours mez à hommes relegieux l'abbé et le couvent des Vaus de Sarnay une masure assise en la parroisse Nostre Dame de Vernon entre le chemin le roy et Jehan Bellone d'une part et les hoirs Pierres Dehors d'autre laquele masure eus tenoient desdiz relegieux par diz soulz parisis d'enuel rente lesquiex cheent et pramistrent et jurèrent [] En tesmoing de laquele chose nous à la requeste des parties avon seelé ces lettres du seel de la prévosté de Vernon sauf le droit le roy et l'autrui Ce fu fet l'an de grace mil et trois cens le dymenche après la saint Martin d'esté