Charter Document - 05030970
| Charter Number: | 05030970 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Recognition |
| Date: | 1297 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
A touz ceus qui ces lettres verront Nicholas Gascoig garde du seel de la prévosté de Vernon salut Sachent tous que par devant nous furent présens Mahieu de Tourny de Heubecourt et Erembourc sa fame et recognurent que il avoient vendu et otroié as hommes religieus et honestes l'abbé et le couvent du Val de Sernay une pièce de terre assise en la paroisse de Heubecourt entre la terre Richart Baudoin d'une part et la terre Robin Homfrey d'autre pour quatre livres parisis [] Et eus et leurs hoirs sunt tenus ladite vente as dis religieus et à leurs successeurs par sis deniers parisis d'enuel rente rendans chascun an à Jehan de Giencourt à la septembresche contre tous garantir deffendre et délivrer Et en obligièrent quant à ceu en contrepleige [] En tesmoig de laquelle chose nous avons mis le seel de la prévosté de Vernon à ces présentes lettres à la requeste des parties sauf le droit le roi et l'autrui Ce fu fet l'an de grace mil CCIII et diz et sept le dimenche feste saint Michiel el mois de septembre