Charter Document - 05030961
| Charter Number: | 05030961 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1297 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis Nicholaus Gascoing clericus custos sigilli prepositure Vernonis tunc temporis salutem in Domino Noverit universitas vestra quod dominus Galterus de Corbia miles et Clemencia ejus uxor recognoverunt se vendidisse quitasse et in perpetuum penitus dimisisse religiosis viris abbati et conventui beate Marie Vallium Sarnaii et eorum successoribus triginta duos solidos parisienses annui redditus et capitalis dominii quos percipere consueverant annuatim super domum dictorum religiosorum sitam apud Vernonem in vico Sancti Jacobi inter domum Colini Berte ex una parte et domum Petri le Serreurier ex altera et omne jus et dominium capitale quod habebant in domo dictorum religiosorum antedicta pro viginti quinque libris parisiensibus [] Et ut predicta venditio quitatio et concessio ac dimissio perpetue firmitatis robur obtineat et duret in posterum presentes litteras ad petitionem sepe dictorum conjugum eisdem religiosis tradidimus sigillo prepositure Vernonis sigillatas Actum anno Domini MCC nonagesimo sexto die veneris post octabas Epiphanie Domini