Charter Document - 05030956
| Charter Number: | 05030956 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Recognition |
| Date: | 1296 |
| Date type: | Internal, A.D., Feast |
| Resource Link(s): |
|
Charter:
A touz ceus qui ces présentes letres verront ou orront Nicolas Gascoing clerc garde del seel de la prévosté de Vernon saluz Sachiez que par devant nous furent présenz Pierres des Ales et Perrounele sa femme et recognurent qu'il avoient vendu et otroy afin et en héritage délessié à hommes religieus et honestes l'abbé et le couvent de Sarney et à leur successeurs c'est asavoir deus pièces de terre assises en la paroisse de Tylly desqueles la première est assise entre la terre as heirs Emmeline la Baudroieresse d'une part et la terre as heirs Agnès la Gouche d'autre la seconde pièce de terre est ensement assise entre la terre as heirs de la dite Emmeline et la terre as heirs de ladite Agnès aboutantes des deus chiefs aus chanoines de Sauceuse pour vint et chine soulz parisis [] El tesmoing de laquel chose nous à la requeste des parties avon seelés ceste présente chartre du seel de la prévosté de Vernon sauve la droiture le roi et autrui Ce fu fet l'an de grace mil CC quatre vinz et seze le joesdi après Noel