Charter Document - 05030951
| Charter Number: | 05030951 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1296 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus hec visuris Lucas capellanus capelle castri Vernonensis custos sigilli prepositure Vernonensis salutem in Domino Noveritis quod Guillelmus de Barra recognovit se vendidisse et concessisse religiosis viris abbati et conventui Vallium Sarnaii quandam peciam terre sitam in territorio seu parrochia de Tylli inter terram Perroti Piquot ex una parte et terram dictorum religiosorum ex altera tenendam et jure hereditario in perpetuum possidendam et habendam dictam peciam terre dictis religiosis et eorum successoribus libere quiete et pacifice per unum denarium parisiensem annui redditus dicto Perroto Piquot et heredibus suis a dictis religiosis et eorum successoribus in festo sancti Remigii annuatim persolvendum et absque aliqua dicti Guillelmi vel heredum suorum reclamatione de cetero facienda pro quinquaginta solidis parisiensibus [] In cujus rei testimonium sigillum prepositure Vernonensis presentibus litteris ad petitionem partium apposuimus Actum anno Domini MCC nonagesimo sexto die veneris ante festum sanctorum Marcellini et Petri martyrum mense junio