Charter Document - 05030948
| Charter Number: | 05030948 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Religious |
| Charter Type(s): | Quittance |
| Date: | 1295 |
| Date type: | Internal, A.D., Feast |
| Resource Link(s): |
|
Charter:
A touz ceus qui ces letres verront et orront Lucas chapelain de la chapele du chastel de Vernon garde du seel de la prévosté d'icele vile saluz Sachiez que par devant nous fu présent Jehan du Port et recognut que il avoit quittié et délessi affin à touzjours mes à houmes relegieus et honestes l'abbé et le couvent de Sarnay seze deniers parisis lesquex eus li devoient si comme il disoit et si leur quita et délessa tout le droit que il i avoit et poveit avoir assis sus une meson et masure einsi comme ele se porporte assis en la parroisse Nostre Dame de Vernon entre la vingne Pierre de Greil d'une part et la Guillaume Pacot de l'autre et promist et jura ledit Jehan [] Et ce certefion nous par le seel de la prévosté de Vernon Ce fu fet en l'an de grace mil II IIII et quinze le vendredi devant la saint Andrieu appostre