Charter Document - 05030946
| Charter Number: | 05030946 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Religious |
| Charter Type(s): | Recognition |
| Date: | 1295 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
A touz ceus qui ces letres verront et orront Lucas chapelain de la chapele du chastel de Vernon garde du seel de la prévosté d'icele ville saluz Sachiez que par devant nous furent présenz Denis Guion et Aaliz sa fame de Gaeny et recognurent eus avoir vendu et quitié affin de héritage à Guichart de Tilly bourjois de Vernon une pièce de terre assise en la parroisse Saint Martin de Tilly entre la terre Gautier de Casteau Nouf d'une part et cele audit Guichart de l'autre pour cinquante souz parisis [] Et en obligèrent en contreplege pour eus et pour leur hoirs audit Guichart et à ses hoirs quatre acres de terre assises à Jumeaux en la paroisse de Corbie joste la terre Robin Hardin [] En tesmoig de ce nous avon ces letres seelées du seel de la prévosté de Vernon à la requeste des partiez sauf autrui droit Ce fu fet en l'an de grâce mil CCIIII et quinze le mecredi après la saint Lucas