Charter Document - 05030934
| Charter Number: | 05030934 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1294 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis Simon permissione divina episcopus Parisiensis salutem in Domino Notum facimus quod cum Johannes de Villa Regis armiger et domicella Isabellis ejus uxor de parrochia de Sarnaio vendiderunt et concesserunt nomine venditionis tertiam partem decime totius territorii de Sarnaio quocumque loco dictum territorium se extendit videlicet religiosis viris abbati et conventui Vallium Sarnaii et eorum monasterio pro pretio quadraginta quatuor librarum parisiensium prout in literis curie Parisiensis super hoc confectis plenius continetur prefati conjuges se de hujusmodi decima vendita desesierunt in manu nostra et nos venditionem et concessione predictam quantum in nobis est volumus concedimus approbamus et auctoritate ordinaria confirmamus In cujus rei testimonium sigillum nostrum presentibus duximus apponendum Datum anno Domini millesimo ducentesimo nonagesimo quarto die dominica post festum apostolorum Petri et Pauli