Charter Document - 05030932
| Charter Number: | 05030932 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1294 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Parisiensis salutem in Domino Notum facimus quod Joannes de Villa Regis armiger et domicella Isabellis ejus uxor de parrochia de Sarnaio asseruerunt quod ipsi ex propria hereditate dicti Johannis habebant et percipiebant annis singulis tertiam partem decime totius terre de Sarnaio quocumque loco dictum territorium se extendat Quam siquidem tertiam partem decime totius territorii predicti et totum jus dominii proprietatem possessionem et omnes actiones reales personales utiles directas mixtas tacitas et expressas quod et quas ipsi conjuges habebant et habere poterant ratione et jure quibuscumque seu causa in dicta tertia parte decime totius territorii predicti recognoverunt se vendidisse et nomine pure et simplicis venditionis ex nunc in perpetuum quittavisse ac concessisse religiosis viris abbati et conventui Vallium Sarnaii et eorum monasterio pro quadraginta quatuor libris parisiensibus [] Et pro dicta garandia ferenda et tenenda dicti venditores predictis emptoribus se et heredes suos ac omnia bona sua heredumque suorum mobilia immobilia presentia et futura ubicumque sint et poterunt inveniri coram nobis obligarunt et obligatos reliquerunt ac specialiter et expresse dimidium modium terre seminature quod dicebant se habere in territorio de Rousset situm in decimaria predicta jurisdictioni curie Parisiensis se et sua quantum ad hec supponentes In cujus rei testimonium ad petitionem dictorum venditorum sigillum curie Parisiensis presentibus litteris duximus apponendum Datum anno Domini millesimo ducentesimo nonagesimo quarto die jovis ante Ascensionem Domini