Charter Document - 05030930
| Charter Number: | 05030930 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Religious |
| Charter Type(s): | Sale |
| Date: | 1294 |
| Date type: | Internal, A.D., Feast |
| Resource Link(s): |
|
Charter:
A tous ceus qui ces lettres verront et orront Lucas chapelain de la chapelle de Vernon et garde du seel de la prévosté d'icelle ville saluz Sachiez que par devant nous fu présent Michelet le Mesgescier et recognut que il avoit vendu et otroié à Raoul Gay un quartier de vingne assis à la trele de Boussart entre la vingne Marie du Bois d'une part et la vingne Perronnelle du Mesnil de l'autre et aboute à la vigne de la Magdalene et à la vigne Robert le Charon pour quarante sis sous parisis [] Ledit vendeur a obligié audit Raoul et à ses hoirs en contreplege une meson assise ù marchié de Vernon entre la meson Lambert de Breheucourt d'une part et la meson Jahenne du Pont Seint Pierre de l'autre et tous ses autres biens muebles et immuebles En tesmoing de laquele chose nous avons mis le seel de la prévosté de Vernon à ces présentes lettres à la requeste des parties Ce fut fet l'an de grâce mil CCIII et XIIII le samedi devant la feste seint Marc évangéliste