Charter Document - 05030925
| Charter Number: | 05030925 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Obligation |
| Date: | 1293 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis Guido de Levies miles dominus Mirapicis salutem in Domino Noveritis nos teneri et esse efficaciter obligatos executoribus nobilis viri Theobaldi de Marliaco quondam militis in ducentis viginti quinque libris tredecim solidis novem denariis turonensibus residuis de summa mille librarum turonensium quas dictis executoribus debebamus racione testamenti dicti Theobaldi de Marliaco quondam militis quas ducentas viginti quinque libras tredecim solidos novem denarios turonenses tenemur et promittimus nos dictis executoribus legitime et integraliter soluturos terminis inferius annotatis videlicet medietatem dicte pecunie infra festum Purificationis beate Marie proximo venturum et aliam medictatem infra subsequens festum Purificationis anno revoluto necnon omnia debita que debebat dictus defunctus creditoribus suis et forefacta que legitime probari poterunt durante termino supradicto qui finietur anno Domini millesimo ducentesimo nonagesimo quarto in festo Purificationis predicte ultra quem terminum dictis creditoribus seu forefacta repetentibus vel executoribus propter hoc minime tenebimur respondere Insuper legata que consistunt in rebus immobilibus solvere tenebimur prout in dicto testamento plenius continetur obligantes quoad hoc nos et heredes nostros et omnia bona nostra in quibuscumque rebus consistant et ubicumque poterunt inveniri In cujus rei testimonium presentem litteram dictis executoribus dedimus sigilli nostri munimine roboratam Datum anno Domini millesimo ducentesimo nonagesimo secundo die martis in festo beati Mathie apostoli