Charter Document - 05030916
| Charter Number: | 05030916 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1291 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Petrus de Prepositura tunc temporis custos prepositure Vernonis salutem in Domino Noverit universitas vestra quod cum religiosi viri abbas et conventus de Sarnayo tenerent et possiderent duas pecias terre sitas in parrochia de Tylliaco de feodo et dominio Petri dicti le Camus armigeri ut dicebat videlicet unam peciam inter terram Philippi de Bucleinvilla armigeri ex parte una et iter publicum de Andeliaco ex altera et alteram peciam sitam retro villam predictam de Tylliaco juxta terram dicti Petri ex parte una et terram Johannis dicti Conmencail ex altera et idem Petrus asserens se dominum capitalem earumdem peciarum dangerium fecisset dictis religiosis de alienando duas dictas pecias terre seu deponendo eas extra manum mortuam tamdem pro bono et commodo utriusque partis dicte partes permutationem fecerunt de dictis duabus peciis datis et permutatis et ex causa permutationis et excambii translatis a dictis religiosis in dictum Petrum armigerum pro una pecia terre sita in parrochia Sancti Supplicii in feodo seu dominio Stephani de Insula armigeri de qua pecia terre debentur Radulpho dicto Jaques de Hericuria annuatim in festo beati Remigii duodecim denarios parisienses de censu Et promisit dictus Petrus [] In cujus rei testimonium ad petitionem partium sigillum prepositure Vernonis presentibus litteris duximus apponendum Actum anno Domini MCC nonagesimo primo mense augusti