Charter Document - 05030914
| Charter Number: | 05030914 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1291 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Noverint universi quod cum ego Guillelmus dictus Malet titulo emptionis acquisivissem a Symone de Puteo et Johanna ejus uxore viginti et septem denarios parisienses annui redditus quos sibi debebant annuatim monachi de Sarnayo in festo Omnium Sanctorum de quadam pecia vinee sue site in Clauso Hurel inter vineam Petri de Puteo ex una parte et vineam Andree Tueveel ex altera et ipsi iidem religiosi haberent duos solidos parisienses annui redditus sitos et assignatos super masuram heredum Gualteri Heimmart sitam in vico Normannie inter masuram Petri Waignart ex una parte et masuram Radulphi Lecointe ex altera quos duos solidos antedictos ego dictus Guillelmus et Petrus ac Rogerus dicti Malet pro salute animarum nostrarum et antecessorum nostrorum diu antea eisdem religiosis dedimus et concessimus tandem ego Guillelmus dictus Malet pensata utilitate tam mea quara dictorum religiosorum dictos viginti septem denarios michi debitos ut dictum est transtuli ex causa permutationis in prefatos religiosos et omne jus michi competens in eadem summa pecunie pro duobus solidis antedictis quos iidem religiosi michi et heredibus meis ex causa permutationis antedicte concesserunt Et promisi [] Et ut hoc firmum et stabile perseveret presentem cartam sigilli mei munimine confirmavi Actum anno Domini MCC nonagesimo primo die jovis ante festum beate Marie Magdalene