Charter Document - 05030913
| Charter Number: | 05030913 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Ammortisement |
| Date: | 1291 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Guido de Caprosia miles castellanus Nealphe Castri et Johanna ejus uxor salutem in Domino Cum dominas Johannes de Sarnayo miles vendiderit viris religiosis abbati et conventui monasterii Vallium Sarnaii viginti sex arpenta terre arabilis sita prope villam Sarnaii in duabus peciis quarum una contigua est chemino de Campo Houdrici ex una parte et chemino Leprosarie ex altera et terre predicti domini Johannis ex alio latere prout mete ostendunt et alia contigua est orto Leprosarie de Sarnayo ex una parte et boscho Hospitalis et Boisserie ex altera movencia de feodo nostro nos predictus Guido dicti feodi dominus et Johanna uxor ejus predicta dictam venditionem prout in littera sigillo prepositure Parisiensis sigillata confecta super venditione predicta continetur nec non et quoddam arpentum terre ejusdem feodi quod obvenit eisdem religiosis ex donatione sibi facta ab Aelidi de Burgo Novo familiari sua volumus ratificamus approbamus et etiam confirmamus Volumus etiam quod dicti religiosi dictam vendicionem in manu mortua teneant et perpetuo possideant sine coactione aliqua per se vel per alios facienda vendendi vel extra manum ponendi retinentes nobis et nostris heredibus resortum et omnem justiciam ad baroniam pertinentem Promittentes [] In cujus rei testimonium et munimen presentibus litteris sigilla nostra duximus apponenda Datum anno Domini millesimo ducentesimo nonagesimo primo mense mayo