Charter Document - 05030892

A tous ceux qui ces présentes lettres verront Guillaume Bidault d'Athys escuyer salut Nous faisons asscavoir à tous que je Guillaume ay donné et octroyé et quitté de ma bonne volonté et pure aumosne à l'abbé et couvent des Vaux de Cernay la propriété de demy quartier de vigne au lieu de la Boissière Item je donne à l'abbé et couvent devant dit i denier de cens que celle vigne devoit à celuy Guillaume et toute la seigneurie qu'il avoit en icelle vigne devant dite C'est à scavoir pour faire chacun an son anniversaire et pour estre és prières de léans à tousjours mais et oblige luy et ses hoirs à ce tenir ferme et stable ce don devant dit En tesmoin de cette chose tenir et affermer je Guillaume le certifie en cette lettre scellée de mon scel en l'an de grace mil deux cens quatre vingtz et sept ou mois de mars veille de la sainct Grégoire