Charter Document - 05030890
| Charter Number: | 05030890 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1286 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis Carnotensis salutem in Domino Noverint universi quod Gilotus dictus Carbonnarius de Bercheriis la Maingot filius defuncti Stephani Carbonnarii et Ameline ejus uxoris nunc defuncte sanus et incolumis spontaneus non coactus de voluntate sua propria dedit contulit et concessit pro remedio animarum dictorum Stephani et Ameline patris et matris sue et anime sue post decessum ipsius Giloti pro quodam anniversario quolibet in ecclesia beate Marie Vallium Sarneii pro remedio animarum suarum celebrando religiosis viris abbati et conventui beate Marie Vallium Sarneii omnes censsus et redditus quos habet in comunitate censsuum dictorum religiosorum in villa de Bercheriis tam in bladis in avenis in denariis obolis quam super domibus et terri et specialiter et expresse tres minas avene quas predicti religiosi predicto Giloto debebant quolibet ratione censsus et omnia alia et singula que babet tenet et possidet ratione censsuum in villa de Bercheriis cum censsibus dictorum religiosorum jacentibus et existentibus qui censsus et redditus ex hereditate ipsius Giloti movent in puram et perpetuam elemosinam post ipsius decessum donacione facta inter vivos tenenda habenda levanda percipienda ab ipsis religiosis [] In cujus rei testimonium et munimen presentibus litteris ad peticionem dicti Giloti sigillum nostrum duximus apponendum Datum anno Domini MCC octogesimo sexto die martis post festum beate Lucie virginis mense decembri J [de] Robor[eto]