Charter Document - 05030889
| Charter Number: | 05030889 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Recognition |
| Date: | 1286 |
| Date type: | Internal, A.D., Feast |
| Resource Link(s): |
|
Charter:
A touz ceus qui ces lettres verront et orront Nicholas Gascoins clerc garde du seel de la prévosté de Vernon saluz Sachez que par devant nos furent présenz Raol Hahy et Béatriz sa fame et recognurent [de bonne] volenté que il avoint quitté et délaysé de tot en tout en plene propriété une pièce de vingne assise ou territoire de Boissart entre la vigne Marie du Bois d'une part et la vigne Robert le Charon de l'autre à hommes religieus l'abbé et le couvent de Nostre Dame de Vaus de Sarnay pour un baril de vin que il lor devoint de rente laquele vingne ledit Raol avoit achatée de Michelet le Mogeycier et veimes les lettres de l'achet bones et entières Et promistrent [] Et ce certifion nous et témoignons par ces lettres seelées du seel de la prévousté de Vernon Ce fu fet l'an de grace MCCIII et sex le juesdi devant la feste de Marie Magdaleine