Charter Document - 05030888
| Charter Number: | 05030888 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1286 |
| Date type: | Internal, A.D. |
| Resource Link(s): |
|
Charter:
Universis presentes literas inspecturis dominus Johannes de Malorepastu miles salutem in Domino Noveritis quod cum Gaufridus dictus Gardien de Villanova dedisset et concessisset pure et simpliciter in elemosinam ecclesie beate Marie Vallium Sarnaii et ejusdem loci conventui se et sua mobilia et immobilia acquisita et acquirenda et haberet teneret et possideret tanquam proprium hereditagium terras pascua sive pasturas domum vel domos inferius annotatas videlicet medietatem cujusdam roncherie sive pasture prope Chamborn contingenti ex una parte terre Philippi dicti Clement et ex altera terre familie Roberti sutoris de Argal moventis de feodo et dominio meo immediate ad sex denarios censuales michi vel heredibus meis reddendos in festo sancti Remigii annuatim item quandam peciam terre que dicitur Fossa d'Ayte sicut se proportat in longitudine et latitudine contigua ex una parte terre sive terris dictorum religiosorum et ex altera terre de Jotro item terra que vocatur terra de Piro contingenti ex una parte terre Roberti dicti Foubert et ex altera cheminio sive vie de Monte Acuto item pasturas de Troncheio contiguas ex una parte terre domini Johannis de Artia militis et ex altera Gualterii de Fresches item terra de Becherel contigua virgulto Laurentii de Becherel et ex altera parte terre Girardi Champelus item unum herbergamentum in Villanova cum pertinenciis sive contingentibus ex una parte domo familie defuncti Richardi Philippi et ex altera herbergamento sive domo Philippi Clement que omnia supradicta movent de feodo sive meis retrofeodis Volo autem et concedo quod dicti religiosi pro salute anime mee et antecessorum meorum teneant et possideant omnia superius de meo feodo sive retrofeodo moventia ex nunc pacifice et quiete in manu mortua absque coactione vendendi alienandi vel extra manum suam ponendi pro qua mortificatione et quictatione dicti religiosi michi dederunt de sua mera gratia duos sextarios bladi quos recognosco de sua pura gratia recepisse Insuper ad memoriam reducens devotionem et amicitiam quas erga me habent et habuerunt religiosi predicti ampliorem gratiam et misericordiam volui religiosis predictis concedere sive dare nam quecumque acquisierunt in feodo meo vel retrofeodo titulo donationis vel emptionis a quibuscumque personis et ubicumque existant volo concedo quod ea teneant et possideant pacifice et quiete in manu mortua absque coactione vendendi alienandi aut extra manum suam ponendi nichil juris jurisdictionis vel dominationis in rebus ab eis acquisitis penitus retinendo Promittens [] In cujus rei testimonium et munimen predictis religiosis predictas literas tradidi sigillatas Datum anno Domini millesimo ducentesimo octogesimo sexto mense junii