Charter Document - 05030887
| Charter Number: | 05030887 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1286 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus hec visuris Petrus de Portu prepositus de Vernone salutem in Domino Noveritis quod Stephanus Faber et Cesiria ejus uxor Guillelmus le Telier et Laurencia ejus uxor et Eremburgis la Quaruele vidua recognoverunt se de communi assensu suo et bona voluntate sua dimisisse et quitasse Thome dicto Coterel ad vitam suam omne illud et omnem possessionem quod vel quam habet et tenet ratione Ameline ejus uxoris in duabus masuris sitis in parrochia de Heubecourt scilicet prima inter ortum Johannis de Roeni ex una parte et viam regis ex altera secunda inter masuram Johannis Ausere ex una parte et masuram Guillelmi de Heubecourt ex altera tenendum et habendum [] In cujus rei testimonium sigillum prepositure Vernonensis presentibus litteris ad petitionem dictorum Stephani Cesirie Guillelmi Laurencie et Eremburgis apposuimus Actum anno Domini MCC octogesimo sexto die martis post Penthecosten