Charter Document - 05030884
| Charter Number: | 05030884 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1286 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod coram Nicholao dicto Heuse et Luca de Vallibus clericis nostris juratis ad hec a nobis specialiter destinatis quibus fidem adhibemus quantum ad hec et eciam ad majora et quibus quantum ad hec commisimus vices nostras constitutus dominus Theobaldus quondam rector ecclesie de Perreto Carnotensis diocesis debilis corpore propter senium adeo quod ad nos commode accedere non valebat sanus intellectu et compos mentis ut prima facie apparebat attendens et considerans devotionem bona curialitates et servicia quas et que religiosi viri abbas et conventus de Vallibus Sarnaii sibi temporibus retroactis fecerant et benigniter impenderant et cotidie impendere non cessabant nolens super tot et tantis curialitatibus et bonis ex mera liberalitate sibi impensis erga dictos religiosos esse ingratus quia ingrati in jure graviter pugniuntur asseruit coram prefatis clericis nostris se de quibusdam bonis suis fecisse et ordinasse testamentum suum seu ultimam voluntatem quod testamentum voluit adimpleri et debita sua solvi et forefacta sua si que apparuerint infra annum obitus sui per executores suos in dicto testamento contentos emendari residuum vero omnium bonorum suorum mobilium et inmobilium quorumcumque que habebit tempore mortis et nunc habet retento tamen sibi in eisdem bonis residuis quamdiu vixerit tantummodo usufructu dedit cessit et contulit pure et simpliciter donatione facta inter vivos et sine spe revocandi donum dictis religiosis in puram et perpetuam elemosinam in recompensationem premissorum Et promisit dictus Theobaldus [] Hec autem facta et ordinata fuerant a dicto Theobaldo coram prefatis clericis nostris prout ipsi clerici nostri nobis unanimiter retulerunt ad quorum clericorum nostrorum relationem sigillum curie Parisiensis presentibus litteris duximus apponendum in testimonium premissorum Datum anno Domini MCC octogesimo quinto die sabbati in festo Purificationis beate Marie Virginis