Charter Document - 05030873
| Charter Number: | 05030873 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Grant |
| Date: | 1284 |
| Date type: | Internal, A.D. |
| Resource Link(s): |
|
Charter:
Je Marguerite de Monfort contesse de Soissons fais savoir à tous ciaus qui ces présentes lettres veront et oront que je doins et reconois avoir donné pour Dieu et en aumone pour faire mon anniversaire chascun an à l'église des Vaus de Sarnai quarante sol de tournois à penre chascun an à travers de ma vile de Gambeis et se li travers ne souffissoit à ce faire et paier je veil cum les prengne chascun an à mes avainnes de la Charmoie Et à ce faire tenir et fermement chascun an paier oblige je moi et mes oirs et tous mes biens meubles et héritaige et pour ce que ce soit chose ferme et estauble je ai données à ledite église ces présentes lettres saielées de men propre saiel qui furent faites l'an de grace mil deus cens quatre vins et quatre ans ou mois de septembre